Контактите на болничарката што има конго-кримска треска не се во изолација, од нив 10 се од семејството
Единаесет луѓе кои биле контакти на хоспитализираната болничарка од Инфективна клиника што се зарази со конго-кримска хеморагична треска се под 14-дневен здравствен надзор, соопшти директорката на Државниот здравствен и санитарен инспекторат доктор Рената Младеновска.
– Здравствениот надзор значи контактите на лицата треба да се во постојан контакт со епидемиолог од Центарот за јавно здравје Скопје. Тоа не е класична изолација, но не треба да имаат контакт со останатите, едноставно да издржат 14 дена и да не се прошири оваа зараза. Се надевам дека ова ќе биде последниот случај, изјави Младеновска.
Претходно 29 медицински лица беа под здравствен надзор зашто биле контакти на 27-годишната жена од штипското село Кучица која почина од конго-кримска хеморагична треска по убод од крлеж. Болеста е сериозна и може брзо да прогресира, а од 10 случаи четири завршуваат со смрт.
– Имаме здравствен надзор за 40 луѓе вкупно. Од овие 11 десетмина се од потесното семејство на болничарката, како и една нејзина колешка од Инфективната клиника, рече Младеновска.
Почина 27-годишна штипјанка од конго-кримска хеморагична треска, ја каснал крлеж
Вработен на Инфективна позитивен на конго-кримска хеморагична треска и хоспитализиран