„Kончар“ е дел од конзорциум во бизнис вреден 188 милиони евра во Романија
Kомпанијата „Кончар“ освои нов вреден бизнис на глобалниот пазар, дополнително проширувајќи ги своите силни референци во изградбата и ревитализацијата на хидроцентралите.
Кон богатото портфолио од над 400 изградени и ревитализирани хидроцентрали ширум светот, „Кончар“ се вклучи во работата за ревитализација на ХЕЦ „Видрару“ со капацитет од 4 x 67,3 MВА во Романија.
Договорот опфаќа проектирање, производство, испорака, демонтирање на постоечка и монтажа на нова опрема, како и тестирање и пуштање во работа. Тој е вреден повеќе од 188 милиони евра, од кои уделот на „Кончар“ е речиси 80 милиони евра.
ХЕ „Видрару“ со инсталирана моќност од 220 MВ и просечно годишно производство на електрична енергија од 400 ГВч е изградена во периодот од 1961 до 1966 година како врвна електрана на реката Аргес.
Таа е една од најзначајните хидроелектрични централи во романскиот енергетски систем, а нејзината ревитализација, со вклучување на „Кончар“, ќе ги подобри постоечките перформанси, ќе го продолжи животниот век на објектот и ќе го зајакне романскиот енергетски систем, пишува Пословни.хр.