Концертот „Најдоброто од Копров“ ќе се одржи во Националната опера и балет
![](https://www.slobodenpecat.mk/wp-content/uploads/2024/07/Sk-Leto-Koprov-2024-01.jpg)
Величествен концерт со наслов „Најдоброто од Копров“ на вокалната солистка Ана Петановска ќе се одржи на 4 јули, со почеток во 20.30 часот, во Националната опера и балет.
Публиката ќе има можност да ужива во најголемите хитови компонирани од Григор Копров, како што се „Лиду ду“, „Остани во мене“, „Не зори зоро“, „Не допирај ме“, „Твоите бакнежи на моите бели кошули“, „Анушка“ и многу други.
Концертот претставува музичко патување низ долгогодишното творештво на Григор Копров, во изведба на моќниот вокал на Ана Петановска со ексклузивните гости: Владо Јаневски, Наде Талевска, Горан Наумовски и Денис Димоски, а во придружба на камерен оркестар.
Музички продуцент на настанот е Давор Јордановски, а организацијата на концертот е во рамките на програмата на летната манифестација „Скопско лето“.