Кралот Чарлс сака да го исели брат му Ендрју од скапоцената вила во Виндзор
![](https://www.slobodenpecat.mk/wp-content/uploads/2024/07/King-Charles-1.jpg)
Британскиот крал Чарлс Трети сака да ја издава вилата Ројал лоџ, која се наоѓа во Виндзор, пишуваат британските медиуми. Неговиот брат, принцот Ендрју, и неговата поранешна сопруга Сара Фергусон моментално живеат на имотот, кој се проценува дека вреди 30 милиони фунти.
Кралот би сакал да ја издаде оваа вила со 30 соби за еден милион фунти годишно (околу 1,2 милиони евра), додека Ендрју плаќа 260.000 фунти годишно (околу 307.000 евра) за неговиот престој таму. Британските медиуми пишуваат дека главната причина за одлуката на кралот е тоа што неговиот брат прилично ја запуштил вилата. Добро упатени извори тврдат дека е вистинско чудо што прозорците и циглите веќе не паѓаат од неа.
![](https://www.slobodenpecat.mk/wp-content/uploads/2024/07/profimedia-0604745402.jpg)
Принцот Ендрју се вселил во вилата во 2003 година и, според него, вложил седум милиони фунти во реновирањето. Сепак, извори од британскиот двор тврдат дека кралот не верува во таа приказна бидејќи тоа не се гледа никаде на имотот.
Британските медиуми пишуваат дека принцот Ендрју нема намера да се исели од скапиот имот и покрај тоа што кралот му ја понудил блиската куќа со четири спални соби Фрогмор, каде што живееле принцот Хари и Меган Маркл.
ВИДЕО | „Тој е идиот“: Брутален филм открива шокантни детали за принцот Ендру