Ќе чади во Париз: Раперот Снуп Дог е еден од носителите на олимпискиот факел
Американскиот рапер Снуп Дог е најавен како еден од последните носители на олимпискиот оган пред свеченото отворање на Олимписките игри во Париз.
Познатиот американски рапер ќе го носи факелот низ улиците на Сен Дени на северот на Париз, каде што се наоѓа олимпискиот стадион „Стад де Франс“.
Делот Сен Дени е претпоследниот дел од патеката на пламенот пред штафетата да заврши кај Ајфеловата кула.
Олимпискиот факел ја помина територијата на Франција, а од почетокот на своето патување во мај го носеа многу познати личности, меѓу кои и поранешниот менаџер на Арсенал, Арсен Венгер, возачот на Формула 1, Шарл Леклер и актерката Хали Бери.
U ready? 🥇 Paris 2024 Olympics ya digggg 👊🏿🔥 pic.twitter.com/OOIo2DRZSC
— Snoop Dogg (@SnoopDogg) July 23, 2024
Снуп Дог, чие полно име е Калвин Кордозар Бродус Јуниор, е роден во Лос Анџелес, градот домаќин на Игрите во 2028 година.
На американскиот рапер во Сен Дени ќе му се придружат колегите, меѓу кои француската актерка Летиција Каста и францускиот рапер Ем Си Солар.