Новоизбраните пратеници на Лабуристичката партија пристигнаа на Даунинг стрит 10 во момент кога премиерот на Обединетото Кралство, Кир Стармер, го назначи својот кабинет.

Заменик-претседателот на лабуристите Ангела Рајнер е назначена за вицепремиер на Велика Британија.

Рајнер беше првиот висок политичар кој беше назначен од Стармер.

Беше заменик-претседател на партијата на Стармер од 2020 година, ќе ја преземе и улогата на секретар за домување и заедници.

Рејнер често зборуваше за нејзиното тешко минато, растејќи во обесправен јавен станбен блок и напуштајќи го училиштето рано како млада мајка.

Кариерата ја започнала како синдикален функционер пред да започне кариера како пратеник.

Рејчел Ривс, исто така, е назначена за шеф на Министерството за финансии во новата британска влада, како првата жена на оваа функција.

Таа ја добива титулата, канцелар на финансии, која датира од 16 век.

Поранешниот економист на Банката на Англија се соочува со „застрашувачка задача“ да го исполни ветувањето на лабуристите дека ќе ја поттикне економијата да расте и да инвестира во јавните услуги во услови на голем национален долг.

Дејвид Лами е назначен за министер за надворешни работи, додека Ивет Купер е министер за внатрешни работи што се грижи за клучните прашања, вклучително имиграцијата и полицијата.

Џон Хили беше именуван за секретар за одбрана.

Пет Мекфејден, национален координатор на кампањата на лабуристите, е назначен за канцелар на Војводството Ланкастер – највисокиот министер во кабинетот по премиерот.

Стармер го назначува својот Кабинет откако вчера извојува убедлива изборна победа.