Контроверзна кинеска активистка на движењето #MиТу е осудена на пет години затвор за „субверзија против државата“. Софија Хуанг Суекин беше осудена по речиси 10 месеци од почетокот на нејзиното судење.

Работничкиот активист Ванг Џијанбинг (40), кому му се судеше заедно со Хуанг, е осуден на три години и шест месеци затвор. Хуанг (36) е еден од најистакнатите гласови во кинеското движење #MиТу, известувајќи за приказните на жртвите на сексуална злоупотреба.

Таа зборуваше и за мизогинијата и сексизмот со кои се соочувала во кинеските редакции. Кинеските власти не објаснија како двајцата се обвинети за субверзија. Судењето се одржа зад затворени врати. Но, нивните приврзаници велат дека се приведени затоа што организирале редовни состаноци и форуми на кои младите разговарале за социјални прашања.

Хуанг беше на пат да земе стипендија за магистерски студии спонзорирана од Обединетото Кралство на Универзитетот во Сасекс кога беше уапсена на аеродромот во Гуангжу во 2021 година. Ванг беше со неа.

Поддржувачите велат дека и двајцата издржале месеци во самица за време на нивниот претходен притвор, кој траел речиси илјада дена. Нивното судење започна дури во септември 2023 година. Истрагата на Би-Би-Си во 2022 година откри дека и двајцата биле во самица, приведени на тајни локации познати како „црни затвори“.

Во 2021 година, среде карантините поради пандемијата и растечкиот јавен гнев, кинеските власти започнаа акција против неколку активисти кои дејствуваат во различни области.

„Нивните напори и посветеност на трудот, правата на жените и поширокото граѓанско општество нема да бидат поништени со ова неправедно судење, ниту општеството ќе ги заборави нивните придонеси. Напротив, како што продолжува репресијата и расте неправдата, се повеќе активисти како нив ќе продолжат да се борат“, велат од групата Фри Хуанг Суекин и Ванг Џијанбинг.

Амнести интернешенел ги нарече пресудите „злонамерни и целосно неосновани“.

„Тие покажуваат колку е исплашена кинеската влада од новиот бран активисти кои се осмелуваат да зборуваат за да ги заштитат правата на другите“, рече Сара Брукс, директорка на Амнести Интернешнл за Кина.

Не е јасно дали времето што веќе го поминале во притвор ќе се смета за намалена казна. Јавноста беше поделена, некои го осудија судењето, а други го поздравија.

Многу застапници за родови права и социјални причини во Кина избираат да останат анонимни на интернет. Државните медиуми и националистите на социјалните мрежи често ги обвинуваа дека се „агенти на непријателските западни сили“.