Во изминатиот период Килијан Мбапе (25) официјално му се приклучи на Реал Мадрид, по истекот на неговиот договор со Пари Сен Жермен.

Францускиот фудбалер допрва треба да биде претставен како најнов член на тимот на Карло Анчелоти бидејќи е на Европското првенство 2024 со Франција, но идејата е церемонијата на неговото претставување да се одржи веднаш по завршувањето на турнирот.

„Диарио АС“ ги откри деталите што треба да се знаат за презентацијата на Мбапе. Без разлика кога ќе заврши учеството на Франција на ЕП, настанот ќе се одржи во вторник, на 16 јули. Тоа утро, тој ќе ги направи медицинските тестови, пред да биде претставен на „Сантијаго Бернабеу“ вечерта, пред 80.000 навивачи на Реал Мадрид.

Тоа ќе биде слично на церемонијата на претставување на Кристијано Роналдо, фудбалскиот херој на Мбапе, со музика во живо и планиран огномет.

Претседателот на Реал Мадрид, Флорентино Перез исто така ќе го претстави Мбапе со својот нов дрес со број девет. Се очекува Французинот да го носи бројот една сезона, како Роналдо, пред да ја земе 10-ката на Лука Модриќ кога Хрватот ќе се пензионира на крајот од сезоната 2024-2025.

🚨 Kylian Mbappé’s Real Madrid presentation:

• There will be a catwalk installed.
• Fire effects on stage.
• Live music.
• Fireworks.
• 360° panoramic cameras. @diarioas pic.twitter.com/57XxUhEL1F

— Madrid Xtra (@MadridXtra) July 3, 2024