Касами за ДУИ: Треба да се подготвуваат да одат во затвор
„Ние сме подготвени да работиме за Албанците, тие треба да бидат подготвени да одат в затвор! Коалицијата „Вреди“ ја донесе енергијата и желбата за работа, која недостасуваше со години во централната власт“, изјави претседателот на Движењето Беса, Биљал Касами, на одбележувањето на сто дена од работењето на новата влада.
Информативниот портал на албански јазик „Алмакос“ ја цитира изјавата на Касами кој вели дека „Вреди“ како дел од владината коалиција „ги надминала недостатоците со цел да допре до секоја албанска населба заборавена во минатото“.
„Вреди“ е дел од владата за да ја подобри економијата, за да донесе реформи во образованието и здравството, заради развој на инфраструктурата и подобрување на меѓународните односи. Ние сме подготвени да работиме за Албанците, а тие треба да бидат подготвени да одат во затвор“, рекол Касами.