Сите со нетрпение го очекуваат големото четвртфинално дерби на Европското првенство меѓу домаќинот Германија и Шпанија в петок (5 јули) од 18.00 часот.

Поранешниот германски голман, Јенс Леман, како недостаток на „Црвената фурија“ ги наведе младоста и неискуството.

– Технички гледано, нема сомнеж дека тие се подобри од нас и тоа го видовме на последните натпревари, прво во групната фаза, а потоа и во осминафиналето против Грузија. Но, тоа е тим од млади и неискусни играчи. Имаат многу млади играчи, без интернационално искуство – беа зборовите на Леман.

Одговорот не траеше долго, а пристигна од најмладиот член на Шпанија, Ламин Јамал.

– Никого не слушаме, ќе покажеме што сме на теренот. Оваа изјава секако не ѝ помага на Германија, ни помага нам. Најдобро е да не се каже ништо. Ќе видиме дали сме млади и неискусни – кажа Јамал.