Извор открива: Џенифер Гарнер се повлече од „циркусот“ околу бракот на Бен Афлек и Џенифер Лопез
Изминатиов период јавноста не престанува да зборува за потенцијалниот развод на еден од најпопуларните славни парови. Станува збор за актерот Бен Афлек и пејачката и актерка Џенифер Лопез, кои се познати по бурното минато, па веќе еднаш ја откажаа свршувачката и тргнаа по својот пат.
Во многу наврати Бен беше забележан во друштво на поранешната сопруга Џенифер Гарнер, која му е поддршка додека кружат гласините за кризата во неговиот брак.
Но, како што дознава „Дејли мејл“ од блиски извори, Гарнер одлучила да се повлече од „циркусот околу бракот на нејзиниот поранешен сопруг Бен Афлек со Џенифер Лопез“.
Упатените претходно открија дека 52-годишната актерка се обидела да го советува поранешниот сопруги Афлек и наводно се обидела да им помогне да ги решат нивните проблеми, но овој пат ѝ е доста.
„Џен на крајот му кажа на Бен дека мора сам да се справи со тоа. Беше премногу болно за неа да се сети на нивниот развод“, додал изворот.
Светските медиуми веќе некое време пишуваат за наводниот развод на Афлек и Лопез. Сомнежите се засилија откако се дозна дека тие ја продаваат вилата што заедно ја купија пред една година. Џенифер претходно ја откажа турнејата и се појави сама на премиерата на нејзиниот нов филм. Двојката потоа беше видена заедно на кошаркарскиот натпревар на синот на Бен, Семјуел, каде што исто така покренаа сомневања за развод со своето однесување.
Инаку, Афлек и Гарнер беа во брак од 2005 година до нивниот развод во 2018 година. Тие имаат три деца заедно и останаа многу блиски и по разводот.
ФОТО | Бен Афлек на прошетка без Џеј Ло: Актерот се потруди да им покаже важен детаљ на папараците