Израелските напади во предградијата на Бејрут се вознемирувачки, реагира ОН
ОН соопштија дека се вознемирени од израелските напади врз „густо населената“ област во јужните предградија на либанската престолнина Бејрут.
„ОН ги следат со голема тревога“ нападите врз Бејрут, изјави на брифинг портпаролот на ОН Стефан Дужарик.
„Секој кој ќе ги погледне сликите од чад кој извира од густо населено место треба да биде вознемирен“, додаде тој.
„Се обидуваме да собереме повеќе информации“.
Портпаролот на израелската војска Даниел Хагари рече дека нападот бил насочен кон „централниот штаб“ на Хезболах во јужните предградија на градот. Водечките израелски телевизиски мрежи објавија дека шефот на Хезболах, Хасан Насрала бил цел на нападите.
Извор близок до Хезболах рече дека масовниот напад срамни со земја шест згради, но дека Насрала е „добро“.
Напасдот е извешен неколку моменти откако премиерот Бенјамин Нетанјаху во говорот на ОН вети дека ќе продолжи да се бори против милитантната група.