Центарот за управување со кризи (ЦУК) информира дека биле регистрирани 14 пожари во изминатите 24 часа, сите биле изгаснати.

Два пожара биле регистрирани во населба Стопански Двор и покрај улицата „Шарпланинска“ во општина Ѓорче Петров, како и покрај „Качанички пат“. Два пожара се регистрирани и во општина Гази Баба, во Студеничани, а кај селото Долно Количани горело ѓубре. На територијата на Битола биле регистрирани пожари кај Јавното претпријатие „Водовод“ и кај м.в. „Смолево“ – гореле ниска шума и сува трева. Забележани биле два пожара на територија на Гевгелија – гореле дива депонија и сува трева. Регистрирани биле пожари и во Кумановскиот регион и општина Старо Нагоричане.

Изминатото деноноќие биле евидентирани 2.381 повици за итни случаи 112 во ЦУК.

Од ЦУК информираат дека кон полицијата биле упатени 45,84 проценти, кон Итната медицинска помош – 17,53 проценти, кон пожарникарите – 9,21 отсто, а кон АМСМ – 0,23 проценти од повиците.