Излезни анкети: Лабуристите освоија огромно мнозинство на изборите во Британија
![](https://www.slobodenpecat.mk/wp-content/uploads/2024/07/izlezna-anketa.jpg)
По 14-годишното владеење на конзервативците голем „камбек“ за Лабуристичката партија, монументален колапс за конзервативците само пет години откако извојуваа убедлива изборна победа и импресивен настап на центристичките Либерал-демократи и десничарската популистичка партија Реформа.
Според излезните анкети објавени веднаш по завршувањето на националните избори во земјата Лабуристите ќе освојат 410 пратенички места, што е доволно за огромно парламентарно мнозинство.
Тоа ќе му донесе на Кир Стармер 170 места, што пак е најголемиот резултат на партијата досега.
Гласањето на парламентарните избори покажа дека лидерот на лабуристите Кир Стармер ќе биде следниот премиер.
Конзервативците паднаа на само 131 место, што е неверојатен колапс од страна на владејачката партија, според резултатите на објавената анкета.
Либерал-демократите ќе се вратат како трета по големина партија, со 61 место.
„Заморениот“ електорат се чини дека донесе пресуда за Конзервативната партија на премиерот Риши Сунак, која е на власт од 2010 година.