Ивица Јанев од Македонија е балкански шампион на ИФББ шампионатот за бодибилдинг и фитнес
Ивица Јанев, реномираниот бодибилдер од Македонија, уште еднаш го докажа својот натпреварувачки дух со победата на Балканското првенство во бодибилдинг и фитнес што се одржува викендов во Скопје од 21 до 23 април. Јанев беше прогласен за балкански шампион во Бодибилдинг Класик Физик, од страна на Меѓународната федерација за Бодибилдинг и Фитнес (IFBB), потврдувајќи ја својата позиција за еден од најдобрите бодибилдери на Балканот.
Говорејќи за неговата победа, Јанев ја изрази својата радост и гордост за неговото постигнување.
– Навистина сум среќен што после четири години повторно сум шампион на Балканот. Конкуренцијата е голема на Балканот, така што горд сум на оваа титула, која е Шампион во Бодибилдинг Classic Physique. Ова е само еден поттик како за сите идни натпревари така и во моето работно достигнување во Бодибилдинг кариерата – рече Јанев.
Јанев цел месец е во победничка еуфорија, откако неодамна го освои Дијамантскиот куп во српски Чачак и Трофеј на Чачак, каде што беше прогласен за двократен Апсолутен шампион, организиран од најпрестижната федерација за бодибилдинг и фитнес во светот IFBB. Има освоено шест злата и две титули Апсолутен Победник и една Про карта од два меѓународни натпревари одржани во Србија. На 7 април беше и Шампион на Македонија во Бодибилдинг Класик Физик.
Покрај неговите неодамнешни достигнувања, има долга листа на титули на своето име, вклучувајќи го и Шампион на Голд купот во Белград во 2018 година и државниот шампион во бодибилдинг до 90 килограми во Македонија во 2019 година. Беше прогласен и за апсолутен државен шампион за 2019 година во која за првпат стана Балкански Шампион во Крф, Грција.
Последната победа уште еднаш ја воспостави неговата позиција како врвен бодибилдер на Балканот и тој продолжува да инспирира многу генерации за бодибилдери во регионот. Следен предизвик за Јанев е Европското првенство кое ќе се одржи во Санта Сузана, Шпанија.