Исков и Котевски од ВМРО-ДПМНЕ-Битола поставени за директори на ЕСМ Молика и ФОД
Горан Исков, потпретседател на ОК на ВМРО ДПМНЕ во Битола, е назначен за директор на ЕСМ Молика. Тој дипломирал информатика на битолскиот универзитет, а вработен е во битолски „Водовод“, јави ТВ Тера. Исков има работно искуство од 2015 до 2017 година во Министерството за информатичко општество и администрација.
Николче Котевски е назначен за директор на Фабрика за опрема и делови ФОД ДООЕЛ – Новаци (ФОД), која исто така е подружница на државната Електрани на Северна Македонија (ЕСМ). Од 2015 година Котевски е вработен во Царинската управа на Македонија, како виш цариник во царината во Битола, на Меџитлија и Прилеп. Тој беше и советник од ВМРО ДПМНЕ во Советот на Општина Битола од 2009 до 2013 година, а сега е секретар на ОК на ВМРО ДПМНЕ во Битола, објави „Тера“.