Група инвеститори ја тужеше Финска пред меѓународен арбитражен суд поради обидот на регулаторот да го ограничи зголемувањето на цените за пренос на електрична енергија за потрошувачите, објави финското Министерство за надворешни работи. Американската инвестициска компанија KKР, шведскиот пензиски фонд AMФ и канадскиот пензиски фонд OTTП поднесоа две тужби против Финска пред Меѓународниот центар за решавање на меѓународни спорови при Светска банка, објави Индекс.хр.

„Со потпишувањето на Енергетската повелба, Финска се обврза да не ги менува регулативите и ја прекрши оваа обврска, според инвеститорите, сопственици на околу 20 отсто од акциите во најголемата финска компанија за дистрибуција на електрична енергија Каруна.

„Добивме во август, преку ИЦСИД во Вашингтон, барање за арбитража и ја проучуваме неговата содржина“, изјави за Ројтерс Марија Похјанпало, висок советник за трговска политика во финското Министерство за надворешни работи.

Таа не сакаше да каже дали Финска ќе го следи примерот на група членки на ЕУ кои во мај заклучија дека ЕУ како целина треба да се повлече од Енергетската повелба.

За да го ограничи поскапувањето на струјата и да одговори на барањата на незадоволните граѓани, финскиот регулатор ја смени методологијата за пресметување на максималната добивка што сопствениците на мрежата можат да ја задржат на почетокот на годината. Регулативата ја надува вредноста на мрежата и резултира со неоправдано зголемување на цените на преносот, објаснија тогаш.