Генералниот секретар на НАТО, Јенс Столтенберг изјави дека алијансата во моментов се соочува со „најголемиот ремонт во одбраната од Студената војна“, откако организацијата даде огромна поддршка за Украина во нејзината одбрана од руската агресија.

Според договорот од Велс во 2014 година, секоја земја-членка на НАТО годишно треба да издвои 2% од буџетот на армијата за зајакнување на одбраната.

Дури и пред војната во Украина, тензиите околу состојбата на воената инфраструктура на НАТО постојано се зголемуваа, откако повеќето европски нации не им обрнаа посериозно внимание на трошоците за одбраната. Во 2018 година, тогашниот американски претседател Доналд Трамп ги критикуваше останатите членки на НАТО бидејќи не ги исплаќаат договорените два отсто од буџетите на армиите за инвестирање во одбраната.

Според неодамнешни податоци кои ги објави НАТО, само 9 од 29-те поединечни армии на земјите-членки (Исланд нема војска) во 2022 инвестирале повеќе во одбраната отколку во 2014 година. На тој список се САД, Велика Британија, Грција, Хрватска, Естонија, Летонија, Литванија, Полска и Словачка.

Романија и Франција, кои претходно вложувале 2 отсто од буџетот на нивните армии во одбраната, во 2022 година тој процент е малку понизок. Следните држави кои се најблиску до исполнување на договорот се најновите земји-членки на алијансата, Северна Македонија (1,78 отсто од БДП на армијата) и Црна Гора (1,75 отсто од БДП на армијата), а последни на листата се Албанија, Бугарија и Холандија.

Македонија, велат властите, до 2024 година ќе ја исполнува обврската на земјите-членки на НАТО да трошат 2 % од БДП на армијата. Според ова, членството во НАТО ја чини Македонија околу 245 милиони долари годишно.