Бесплатни ранчиња, но и училиштен прибор ќе добијат сите првачиња кои во септември ќе го започнат своето образование во училиштата во општина Кисела Вода.

Сакам да упатам апел до родителите кои годинава имаат провоодделенец, да не купуваат чанти и ранци, прибор и тетратки, бидејќи тие им се обезбедени бесплатно преку нашиот проект „Ранче за секое прваче“, кој започна од Кисела Вода, но стана популарен низ цела Македонија, на што искрено се радувам. Сметам дека ова е значајна поддршка која на сите нив ќе им овозможи безгрижно и со радост да го дочекаат први септември – информира градоначалникот Орце Ѓорѓиевски.

Тој соопшти и дека групите сочинети од спортисти од спортските клубови од Општината со младински категории и основците од социјален ризик кон средината на август заминуваат бесплатно во Охрид.

На брегот на езерото, цела седмица тие сите заедно ќе се рекреираат, ќе спортуваат и дружат во рамки на летниот спортско-едукативен камп. На овој начин покрај промовирање на спортот и здравиот начин на живот, ги промовираме и еднаквите можности за сите деца без разлика на нивната финансиска состојба – реќе градоначалникот.