Портпаролот на израелската армија, контра адмирал Даниел Хагари, денеска изјави дека војниците на ИДФ (Израелските одбранбени сили) нема да влезат во Бејрут, ниту во некој поголем град во Либан и дека копнената операција во соседната земја на север, која започна утрово, ќе биде што е можно побрза.

„Се фокусираме на селската област, областа во близина на нашата граница. Ќе направиме се што е потребно во таа област за да ја разбиеме и уништиме инфраструктурата на Хезболах“, изјави портпаролот на израелската војска.

„Нема да го откријам тоа на непријателот, но го правиме тоа најкратко што можеме, со денови, недели. Ќе го направиме потребното, ограничена и локална операција што ја спроведуваме сега“, одговори портпаролот на прашањето колку ќе трае копнената операција.

Тој исто така рече дека израелската армија врши ограничени прекугранични упади веќе неколку месеци, како што објавија денеска израелските медиуми, и дека целта е да се овозможи безбедно враќање на околу 60.000 раселени Израелци од север на земјата до нивните домови.

Војниците влегле во подземната инфраструктура на Хезболах, на вкупно повеќе од 700 места пронашле скриено складиште за оружје и го уништиле, а имало и извори од иранско производство.

Хагари рече дека и покрај ова, има уште работа, бидејќи Хезболах со години ја гради, подготвува и опремува својата инфраструктура.

Израелската војска соопшти дека повикала четири дополнителни резервни бригади за оперативни мисии на северната граница со Либан.

– Ова ќе овозможи продолжување на оперативните активности против терористичката организација Хезболах и постигнување на оперативните цели, вклучително и безбедно враќање на жителите на северен Израел во нивните домови, се вели во соопштението на армијата.