Гринпис тврди дека е непознато потеклото на доматите од кои се прави кечап
Во меѓународната организација за заштита на животната средина Гринпис тврдат дека не е познато потеклото на доматите кои се користат за производство на големо количество кечап. Но, како што наведоа, главно доматите од југот на Европа се погодени од недостиг на вода.
Откриле дека потеклото на доматите за 70 отсто од кечапот на пазарот е непознато. Тие сметаат дека е особено проблематично што кечапот често се произведува од домати кои се одгледуваат на суви области.
Овој проблем е уште поголем поради глобалното затоплување и затоа што одгледувањето домати бара многу вода.
Тоа значи дека, како што истакнуваат од Гринпис, за еден килограм кечап се потребни домати за чие одгледување е потребно да се потрошат дури 500 литри вода. Светскиот просек е 214 литри. Со оглед на тоа колку вода е потребна за одгледување домати, ова одгледување е многу проблематично прашање. Покрај тоа, постојат многу кечапи произведени од домати кои се одгледуваат во Кина.
Поради сето горенаведено, Гринпис смета дека е неопходно производителите на кечап да го нагласат потеклото на доматите на пакувањето. Тие изјавија дека големите производители, вклучувајќи ги Феликс и Хајнц, не сакале да ги истакнат тие информации. Само десет проценти од производите го имаат истакнато потеклото на доматот. Во Гринпис забележале и дека кечапот содржи и голема количина шеќер, пишува австрискиот весник Heute.