Грција: Шумски пожар во Коринт, две лица загинаа
Пожар во областа Коринт, на југот на Грција, поради силниот ветер неконтролирано се шири, а две безживотни тела се пронајдени неколку часа откако две лица беа пријавени за исчезнати, соопшти денеска грчката противпожарна служба.
Станува збор за двајца мажи кои тргнале со мотори за да му помогнат на својот познаник, пренесува Катимерини.
Жителите на неколку зафатени села од пожарот добија наредба да се евакуираат, а пожарникарите цела ноќ се бореа со огнот, пишува порталот.
Во меѓувреме борбата со пожарот ја отежнува силниот ветер.
Ангажирани се околу 350 пожарникари, 110 возила, 5 авиони и 4 хеликоптери, јавува Танјуг.