Од ЈП „Паркинзи на Општина Центар“ денеска ги предупредија граѓаните кои ги користат нивните услуги да внимаваат затоа што се појавил лажен дневен билет за паркирање.

Денес пријавена е поставена лажна дневна паркинг  карта (ДПК) при која се злоупотребени дизајнот и логото на ЈП „Паркинзи на Општина Центар“. На неа стои QR код кој треба да се скенира и да се изврши онлајн уплата за истата, а истиот води кон веб-адреса која нема поврзаност со ЈП ПОЦ и е со цел преку измама да се извлечат парични средства – информираа од јавното претпријатие.

Оттаму ги замолуваат граѓаните доколку забележат билет од овој тип веднаш да  ги известат и потсетуваат дека единствената веб-адреса за онлајн наплата на ДПК на претпријатието е https://users.poc.mk/PayDpk .

Од наша страна во моментов се преземаат мерки за пријави до надлежните органи и информирање на јавноста со цел заштита на граѓаните – велат од ПОЦ.