Португалскиот чувар на мрежата, Руи Патрисио  и дефанзивецот Леонардо Спинацола преку социјалните мрежи потврдија дека си заминуваат од Рома.

Во овој момент не е познато каде Патрисио ќе ја продолжи кариерата, но тоа сигурно нема да биде во Рим. Најголемиот успех во епизодата во Рома за Патрисио беше освојувањето на трофејот во Конференциската лига, а во таа сезона тој беше еден од најважните во тимот на Мурињо кој тогаш ја предводеше Рома.

Дресот на Рома Португалецот го носеше од 2021 година, а претходно беше дел од Спортинг и Вулверхемптон.

 

View this post on Instagram

 

A post shared by Rui Patricio (@rpatricio1)

Спинацола дресот на Рома го носеше пет години и си заминува од клубот откако двете страни не успеаа да најдат заеднички јазик за продолжување на соработката. Најавите во италијанските медиуми се дека Антонио Конте сака да го доведе во редовите на Наполи.