Силното невреме кое денеска во попладневните часови ја зафати Хрватска вечерва пристигна во Србија.

Невремето проследено со пороен дожд ги зафати прво Бачка Паланка, Батровци, Рума и Нови Сад, а потоа и Белград.

Силниот ветер проследен со пороен дожд предизвика прекин на струја во близина на Богословијата.

„Поради атмосферски празнења дошло до губење на електрична енергија на трафостаницата“, соопштуваат од српска Електродистрибуција.

Во пониските делови од градот сообраќајот се одвива отежнато поради водата на коловозот.

Социјалните мрежи се преполни со видеа и фотографии од последиците од временските услови.

Во Белград околу 23 часот повторно почна пороен дожд, проследен со грмежи, силен ветер и град во некои делови.

Град паѓа во Раковица, Врачар и Вождовац, а силен дожд во Нов Белград, во центарот на градот, Земун и некои други делови од градот.