Физичка пресметка меѓу две групи средношколци, за кои неофицијалните информации се дека се од скопските средни училишта „Никола Карев“ и ГУЦ „Здравко Цветковски“, се случила попладнево во близина на гимназијата, при што 17-годишен ученик од „Никола Карев“ е повреден и наставниците го пренеле во блиската болница „8 септември“ за да му биде укажана помош, пишува МКД.мк.

Инцидентот меѓу средношколци во населбата Карпош 3 силно ги вознемирил учениците, родителите и наставниците. Била повикана полицијата, која и вечерва е засилено распоредена во реонот, пишува порталот.

Од МВР потврдуваат дека полицијата добила пријава за случајот, за кој велат дека „17-годишник бил физички нападнат од неколку малолетници“, како и дека работат на расчистување на случајот.