Ѓоковиќ по поразот во финалето на Вимблдон донесе одлука која ќе ги израдува фановите
![](https://www.slobodenpecat.mk/wp-content/uploads/2024/07/12369238.jpg)
Српскиот тенисер, Новак Ѓоковиќ ќе биде дел од турнирот во Синсинати, потврдија денеска организаторите.
Ѓоковиќ во минатото издание на турнирот во финалето беше подобар од Карлос Алкараз за кого исто така е потврдено дека ќе биде учесник. Тука е и Италијанецот Јаник Синер кој игра во одлична форма.
Покрај најголемите фаворити во Синсинати ќе ги видиме уште: Данил Медведев, Григор Димитров, Александар Зверев, Хуберт Хуркач…Рафаел Надал кој се мачи со повредите во неговата последна сезона во кариерата најверојатно нема да настапи.
Турнирот во Синсинати е закажан за во периодот од 12 до 19 август. Претходно Ѓоковиќ ќе ги брани боите на Србија на Олимписките игри во Париз. Исто така на програмата пред турнирот во Синсинати е и мастерсот во Канада, но засега не е познато дали Ѓоковиќ ќе учествува на тој турнир.