Ѓоковиќ на местото на успехот за израмнување со Федерер по бројот на титули на „Вимблдон“
Најдобриот српски тенисер Новак Ѓоковиќ денеска го започнува настапот на грен слем турнирот „Вимблдон“, а ривал му е Чехот Вит Коприва.
Вториот меч Ѓоковиќ ќе го одигра на централниот терен, по дуелот меѓу Маркета Вондроушова од Чешка и шпанската тенисерка Џесика Бузас Манеиро, а мечот Ѓоковиќ – Коприва нема да започне пред 16.30 часот.
Еден месец по повредата и операцијата на менискусот и експресното опоравување, Ноле ќе го одигра првиот официјален меч.
Ова ќе биде негов 19. настап на Грен слем турнирот во Лондон, каде што ќе ја започне својата потрага по 25. Грен слем титула, а ќе му требаат четири триумфи (92) за да го урне рекордот на Рожер Федерер по бројот на победи на Вимблдон.
Српскиот тенисер има освоено вкупно седум титули на лондонската трева, а една повеќе има Швајцарецот Федерер.