Најдобриот тенисер на сите времиња Новак Ѓоковиќ се пласираше во второто коло на „Вимблдон“, откако во првото коло го совлада Вито Коприва со 6:1, 6:2, 6:2.

Ова беше прв меч за Ѓоковиќ по операцијата на коленото. Србинот призна дека немаше да ризикува да беше некој друг турнир, но Вимблдон не можеше да се прескокне.

– Се чувствував одлично, „Вимблдон“ годинава дојде под различни околности. Сè беше на теренот за да дознам. Не одиграв ниту еден официјален меч, задоволен сум како се чувствував и одиграв, ви благодарам на сите што ме поддржавте. Се обидов да се фокусирам на играта, да не мислам на коленото, сè што можев да направам во подготовките за турнирот за да си дадам шанса да бидам тука пред вас, направив. Да беше некој друг турнир во светот, веројатно не би ризикувал, но ова е „Вимблдон“ и многу го сакам – изјави Ѓоковиќ.

Novak Djokovic has now won all 19 of his first round matches at #Wimbledon pic.twitter.com/5LuT88hsSN

— Wimbledon (@Wimbledon) July 2, 2024

Тој истакнува дека не е поборник на операции, туку:

– Заедно дојдовме до заклучок дека треба да се обидеме да го доведеме моето тело во позиција за игра. Голема благодарност до мојот хирург кој заврши одлична работа. Имав само една операција пред тоа, на лактот, секогаш избегнувам операции, но во споредба со другите 37-годишници имав среќа да играм на толку високо ниво сите овие години. Немав многу повреди во кариерата – рече српскиот тенисер.