Германија и Турција постигнаа нови договори за депортации. Договорите се однесуваат на турски државјани чии барања за азил биле одбиени од германските власти.

Берлин сега очекува исполнување на договорите, пренесува ДПА.

Германската влада е во постојан дијалог со Турција за миграциските прашања – „исто така и на полето на соработка за враќање луѓе“, рече портпаролот на Министерството за внатрешни работи.

Според информациите од петокот, Германија, наводно, веќе почнала да ги депортира турските државјани кои треба да ја напуштат земјата.

За почеток, во Турција ќе се вратат вкупно 200 лица.

Мнозинството баратели на азил од Турција во Германија се Курди, соопшти организацијата за помош на бегалците „Pro Asyl“.

Сепак, турскиот претседател Реџеп Таип Ердоган ги отфрли медиумските извештаи за масовни депортации.