Герапетритис: Поголема Европа значи посилна Европа
„Европската Унија во време на две војни и огромни предизвици, мора да остане стабилна – а стабилноста доаѓа со проширувањето“ порача шефот на грчката дипломатија Јоргос Герапетритис кој присуствува на министерскиот Самитот на Берлинскиот процес за Западен Балкан. Тој рече дека поголема Европа значи посилна Европа.
Пред почетокот на состанокот на кој главната тема е ЕУ интеграцијата на регионот, шефот на грчката дипломатија посочи дека „важно е Западен Балкан да остане на вистинскиот пат за својата европска перспектива“, пренесе МИА.
-Важно е да им се даде визија на луѓето од Западен Балкан, со цел да се забрза овој процес, што започна со грчка иницијатива пред 21 година, во Солун и ние целосно го поддржуваме. Западен Балкан треба да ги исполни поставените критериуми, особено целосното усвојување на европското законодавство и меѓународното право. Многу е важно, од витално значење за Европската унија, во екот на две војни и огромни предизвици во нашиот регион и пошироко во светот, да останеме стабилни. А стабилноста доаѓа со проширувањето. Поголема Европа е посилна Европа, порача Герапетритис.