Гастрономско уживање од Дијана Иваноска: Крем од лимон
![](https://www.slobodenpecat.mk/wp-content/uploads/2024/07/Dijana-Ivanoska-krem-so-limon-Foto-Privatna-arhiva.jpg)
Дијана Иваноска стои зад инстаграм-профилот „Dash of Spice“ и ни ги открива малите тајни за создавање магија од вкусови. Своите рецепти почнала да ги споделува со своите следбеници и пријатели од почетокот на пандемијата.
Инвентивната Дијана денеска споделува рецепт за едно вистинско гастрономско уживање – крем од лимон.
– Ако сте љубител на освежителни и киселкави десерти, тогаш овој крем од лимон дефинитивно ќе ви се допадне. Се прави за 5 минути, а и многу слатко изгледа кога се сервира во издлабени половинки лимон. ( Сосема опционално, може да го сервирате и во мали чашки.) Оваа количина е за 6 половинки лимон – објаснува Дијана.
![](https://www.slobodenpecat.mk/wp-content/uploads/2024/07/dijana-ivanoska-krem-od-limon-Foto-Privatna-arhiva-819x1024.jpg)
Состојки:
– 5 грама рендана кора од лимон (кора од 1 лимон)
– 30 мл сок од лимон (сок од еден лимон)
– 75 грама шеќер
– 200 мл слатка павлака
– 1 лажиче ванила екстракт
– половинки од 3 лимони издлабени за сервирање
![](https://www.slobodenpecat.mk/wp-content/uploads/2024/07/dijana-ivanoska-krem-od-limon-Foto-Privatna-arhiva1-819x1024.jpg)
Подготовка:
Изрендајте ја кората од лимон и измешајте ја со шеќерот.
Додајте ја слатката павлака и загревајте ја смесата на среден оган додека зоврие.
Тргнете ја смесата од оган, додајте го сокот од лимон и ванилата.
Поминете го кремот низ цедалка и поделете го врз половинките лимон или чашките за сервирање.
Прво изладете го кремот на собна температура, а потоа нека стои минимум три часа во фрижидер пред сервирање.
Уживајте!
![](https://www.slobodenpecat.mk/wp-content/uploads/2024/07/dijana-ivanoska-krem-od-limon-Foto-Privatna-arhiva2-819x1024.jpg)