На свеченото затворање на Олимписките игри во Париз имавме можност да видиме вистински спектакл, а љубителите на музиката ги воодушеви бендот „Ред хот чили пеперс“. Оттогаш социјалните мрежи и светските медиуми не престануваат да пишуваат за Ентони Кидис, фронтменот на бендот, а сето тоа поради неговата поранешна девојка Хелена Вестергард.

Ентони Кидис сега има 61 година, но пред 11 години, кога имал 50 се забавувал со Хелена, која тогаш имала само 19 години.

Според американскиот закон, лице кое има 21 година се смета за полнолетно, што Хелена тогаш не била.

Хелена е австралиска манекенка, а тогаш дури и живеела со Ентони и неколку пати изјавила дека разликата во години не ѝ пречи.

„Тоа не ме загрижува. Не можам да бирам во кого ќе се заљубам. И двајцата сме среќни и тоа е најважното нешто“, изјавила тогаш таа.

Очекувано нивната врска наиде на остри критики во јавноста. Многумина го нарекоа педофил, коментирајќи дека е неприфатливо маж на негова возраст да се забавува со толку помлада девојка. Нивната врска траеше уште неколку месеци и потоа раскинаа, а врската која ја имаа сѐ уште е тема на медиумите.

Минатата година на официјалната страница на Инстаграм беше објавена фотографија на која Ентони се бакнува со својата колешка Микаела Мулани Штраус, попозната по прекарот Кралската принцеза (24).

„Љубовта победува“, гласеше описот на фотографијата.