Француските режисери Беноа Жако и Жак Дуајон приведени поради обвиненија за сексуална злоупотреба
![](https://www.slobodenpecat.mk/wp-content/uploads/2024/07/Francuski-reziseri.jpg)
Еминентните француски режисери Беноа Жако (77) и Жак Дуајон (80) се приведени во полиција на сослушување поради обвинувања за долгогодишна сексуална злоупотреба, јавуваат француските медиуми, а пренесе „Би-би-си“.
Француската актерка Џидит Годреш (52) го обвини Жако дека ја силувал кога била дете, а Дуајон дека сексуално ја нападнал, исто така, кога била дете.
Двајцата ги отфрлија обвинувањата, а нивните адвокати го осудија нивното притворање.
Адвокатот на Дуајон, Мари Досе, рече дека ниту еден правен критериум не може да го оправда неговото притворање „36 години“ по наводниот инцидент.
Според францускиот закон, поединецот може да биде задржан во полициски притвор до 48 часа.
Претходно оваа година, Годреш поднесе жалба против Жако, обвинувајќи го за силување во 1986 година, кога имала 14 години. Исто така, го обвини и Дуајон за сексуално малтретирање за време на снимањето на еден од нивните заеднички филмови. Обвинувањата поттикнаа заедничка истрага во февруари.
Иконата на француската кинематографија глумеше во бројни филмови, меѓу кои „Ноќ“ („The Overnight“) (2015), „Шпански стан“ („L’Auberge espagnole“) (2002) и „Човек со железна маска“ („The Man in the Iron Mask“) (1998).
Имала само 14 години: Француската актерка Џидит Годреш го обвини познатиот режисер за силување