На програмата на Евроспкото првенство денес се нови два осминафинални натпревари, а еден од нив е и дерби-пресметката помеѓу Франција и Белгија. Во вториот дуел се среќаваат Португалија и Словенија.

Французите се едни од главните фаворити за освојување на првенството, меѓутоа по групната фаза во која не покажаа премногу уште веднаш ќе се соочат со силен противник. Интересно е што Французите во првите три натпревари на првенството не постигнаа гол од игра, Австрија си постигна автогол, додека Мбапе против Полска погоди од пенал.

Белгија е одлична репрезентација во која лидери се Де Брујн и Лукаку и сигурно дека ќе сакаат да им ги расипат сметките.

Мбапе како што е познато ќе игра со маска и скршен нос, Дешам нема повеќе простор за калкулации, ќе видиме дали настапите во групите беа свесна тактика на францускиот селектор или пак Франција ќе има проблеми и сега.

Словенија е едно од пријатните изненадувања на шампионатот, досега на првенството немаат ниту победа, ниту пораз. Групата ја поминаа со три нерешени средби. Португалија изгледаше одлично, а загуби во последниот натпревар против Грузија со 2:0. Сепак, треба да се знае дека пред тој натпревар го имаа обезбедено пласманот.

Кристијано Роналдо сè уште чека на својот прв гол на шампионатот на кој сака успех, а Португалците сега немаат право на кикс како во третото коло од групната фаза.

18:00: Франција – Белгија

21:00 Португалија – Словенија