Македонската водителка Елена Стојановска (43) е познато телевизиско лице на македонската јавност, која повеќе години е дел од утринската програма на телевизија Сител.

Од неодамна, таа почна да оди на часови по балет, нешто што посакувала да го прави од дете.

Заедно со членовите на балетското студио, таа сега ја одигра нејзината завршна претстава „Тајната на кукларот“ на сцената на Националната опера и балет.

„Заедно со малите и големите балерини настапивме на сцената на МОБ во претставата ‘Тајната на кукларот’. Се разбира аматерски, но за мене беше преубаво искуство и мала лична победа.

Благодарност до ‘Студио Балерина’, Маја, Кала и Сара за довербата. Се радувам на следната сезона“, напиша таа.

Стојановска ја имаше првата објава за нејзиното ново хоби во февруари, со која откри дека почнала да оди на часови по балет.

„Мојата љубов во последно време. Како што гледате, јас нема да играм во ‘Лебедово езеро’, но си остварив една далечна желба“, напиша таа тогаш.

Интервју со Елена Стојановска-Јанковска: Се вљубив во маж ми на транс-журка, за среќа и тој во мене