ФОТО+ВИДЕО | Најбизарното нешто што ќе го видите денеска: Јапонски научници направија робот со лице од човечка кожа
![](https://www.slobodenpecat.mk/wp-content/uploads/2024/06/Robot.jpg)
Тим од јапонски научници претставија робот на кој му е пресадена вистинска човечка кожа и го нарекоа „лицето на иднината“.
На Универзитетот во Токио, научниците успеаја да ја поврзат кожата одгледана во лабораторија со „лицето“ на роботот. На тој начин првпат успеаја да добијат насмевка на лицето на роботот.
Имено, роботот содржи структури слични на лигаментите кои ги имаат луѓето и животните, кои обезбедуваат флексибилност и сила, пишува „Њу саентист“.
![](https://www.slobodenpecat.mk/wp-content/uploads/2024/06/profimedia-0884823243.jpg)
Научниците направиле дупки на лицето на роботот, па кожата ја закачиле со колагенски гел. Според научниците, кожата е мека и може да се регенерира доколку дојде до оштетување.
Научниците веруваат дека човечката кожа за роботи може да направи револуција и во роботиката и во козметичката индустрија.
Покрај тоа, тие веруваат дека оваа кожа би можела да биде клучен чекор во создавањето роботи кои „имаат чувства како луѓе“, односно веруваат дека ова откритие може да поттикне создавање роботи кои би биле верни копии на луѓето, со вградени сетилни способности.
„Природната флексибилност на кожата ѝ овозможува на кожата да се движи со механичките компоненти на роботот без да се кине или олупи“, вели водечкиот истражувач професор Шоџи Такеучи, чија лабораторија веќе има изградено роботи способни да одат со помош на биолошко мускулно ткиво.