ФОТО+ВИДЕО | Момчето од кого Рита Ора го зема српското знаме: Јас не сум виновен за ништо!
![](https://www.slobodenpecat.mk/wp-content/uploads/2023/08/Рита-Ора-српско-знаме.jpg)
Британската пејачка Рита Ора, која по потекло е од Косово, предизвика низа реакции на социјалните медиуми кога прексиноќа на концерт во Унгарија зеде српско знаме од публиката и се нагрна со него.
Во изјава за српскиот медиум „Телеграф“, момчето по име Боривоје, од чии раце пејачката го зеде знамето, објасни дека тој не е од Србија, туку од Унгарија. Со оглед на тоа што неговата мајка е од Србија, тој негува љубов кон оваа земја и затоа го понел знамето на музичкиот фестивал во унгарскиот град Сегед.
„Роден сум во Унгарија, а мајка ми е Србинка. Отидов на фестивалот во Сегед и секогаш го носам српското знаме со мене. Го внесов без проблем, во Сегед многу ги сакаат Србите и не правеа никакви проблеми. Отидов порано на концертот за да можам да станам во првиот ред“, откри Боривоје за „Телеграф“.
![](https://www.slobodenpecat.mk/wp-content/uploads/2023/08/Боривоје.jpg)
Како што вели момчето, тој не ѝ го подал знамето, туку пејачката сама му го зела од раце. Тоа е нешто што многу го изненадило.
„И таа ме изненади мене, помина и ми го зеде знамето од рака. Само сакав да направам видео за Тикток. Никој друг освен мене не беше со знамето на Србија“, објасни тој.
![](https://www.slobodenpecat.mk/wp-content/uploads/2023/08/Боривоје-1.jpg)
На крајот од разговорот истакнал дека после тоа немал никакви проблеми. По концертот разговарал со некој Албанец кој видел сѐ и му рекол „дека е многу разочаран од Рита“.
„После тоа немав никаков проблем. Разговарав со Албанец по концертот и му кажав дека таа ми го зеде знамето од рака, а тој рече дека видел дека не сум јас виновен и дека е многу разочаран од неа“, заклучил Боривоје.
Евровизиските обожаватели негодуваат за настапот на Рита Ора: Зарем не се сеќавате што рече?