Фотографија од 1941 година предизвика дебата на социјалните мрежи поради еден мал детаљ во рацете на една од личностите кои се наоѓаат на неа.

На фотографијата, направена од Едвин Роскам, се гледа група луѓе кои чекаат да влезат во кино, но предметот во раката на момчето со капа од десната страна на фотографијата го привлече вниманието.

„Како може ова момче да носи ајпад во раката? Зона на самракот?“, напиша еден корисник на Редит, што предизвика дебата.

„Дали ова е доказ за патување низ времето?“, одговори еден од корисниците, додека друг се пошегува дека „’Епл’ е навистина пред своето време“.

Меѓутоа, малку поразумните заклучија дека се работи за некаков друг предмет, како книга или тетратка, бидејќи децата во тоа време не се забавувале со ајпади, кои беа пуштени во продажба дури во 2010 година.

„Тоа е Библијата, тој веројатно одел во кино после црква, тоа било вообичаено во тоа време“, напишале тие.

Патем, Роскам редовно го документираше животот на црнечката заедница во САД во тоа време.