Актерката Хали Бери (58) на Инстаграм покажа низ каква трансформација поминала за улогата во филмот „Never Let Go“.

Меѓу другото, таа објави видео и фотографија на која ги покажува лажните влакна на пазувите и тетоважите кои биле потребни за нејзиниот лик во филмот.

„Мама во изработка. Еден од најкомплексните ликови што сум го имала задоволството да го играм. „Never Let Go“ е насекаде во кината“, напиша актерката.

На видеото што го објави, се гледаат Хали и нејзината шминкерка Норма Патон-Ловин како се смеат на влакната под пазувите. Таа сцена изненади и згрози некои нејзини следбеници.

„Влакнеста Бери“, „Ме исплаши. Фала Богу ова е за филм“, „Не си играј со мене Хали“, „Не сум љубител на влакнести пазуви на жените“, „Жени, ова не е слатко , не го следете овој тренд“, „Треба да се избричиш“, „Што се случува?“, „Одвратно“, се дел од коментарите.

„Never Let Go“ е американски хорор филм за преживување во режија на Александар Аџа и сценарио на Кевин Кафлин и Рајан Грасби. Заплетот на филмот се врти околу семејство кое со години го прогонува злиот дух. Нивната безбедност и нивната околина се доведуваат во прашање кога едно од децата се прашува дали злото е реално. Хали ја игра мајката на близнаците.