ФОТО+ВИДЕО | Бела Хадид се врати на модната писта по пауза од две години
Манекенката Бела Хадид се врати на модната писта за првпат по две години за време на Mодната недела во Париз.
Бела се врати во светот на високата мода за ревијата на „Сен Лоран“, каде беше претставена женската колекција за пролет-лето 2025 година. Таа на пистата се појави во предимензиониран црн костум со бела кошула и вратоврска.
Како моден додаток, 27-годишната манекенка носеше очила за сонце со црни рамки додека нејзината коса беше собрана во елегантна пунџа.
Bella Hadid for Saint Laurent spring 2025 RTW pic.twitter.com/R1X7WtPLgl
— ✿ (@dolls4prada) September 24, 2024
Пред нејзиното појавување на Модната недела, Бела последен пат работеше на модна ревија во октомври 2022 година, кога прошета по пистата на хуманитарен настан организиран од Наоми Кембел и Катар Креатс во Доха.
Инаку манекенката летово беше во центарот на вниманието откако „Адидас“ ја исфрли од реклама за ретро патики, чиј изглед беше инспириран од Олимписките игри кои се одржаа во Минхен во 1972 година. Тогаш 11 израелски спортисти беа држени како заложници и убиени.
Bella Hadid walks the runway during the Saint Laurent Womenswear Spring-Summer 2025 show. pic.twitter.com/BnU7aMmgKP
— 21 (@21metgala) September 24, 2024
Компанијата беше на удар на критики поради поддршката на Хадид за Палестина, која во исто време влече корени од оваа земја.
Манекенката претходно го навлече гневот на израелската влада поради наводното извикување на слоганот „Од река до море, Палестина ќе биде слободна“, па дури беше обвинета и за антисемитизам.