ФОТО | Ураганот Хелен во САД однесе над 60 жртви
Ураганот Хелен предизвика катастрофални последици на југоистокот на САД, а билансот досега е најмалку 60 загинати, милиони луѓе без струја, уништени куќи, патишта, мостови и купишта остатоци од пороите и поплавите, јавуваат локалните медиуми, повикувајќи се на податоци од властите на Флорида, Северна и Јужна Каролина, Џорџија и Вирџинија.
Се стравува дека бројот на загинати може да биде поголем.
Според грубите проценки, осигурителните компании и синоптичарите предвидуваат дека штетите од ураганот Хелена ќе бидат од 15 до дури 100 милијарди долари, но овие попрецизни податоци ќе бидат познати подоцна бидејќи штетите на многу згради и инфраструктура се уште не се проценети.