Американската актерка Талула Вилис (30) ги отстрани филерите од нејзиното лице и ја сподели својата прва фотографија по операцијата, пренесе „Мирор“.

Најмладата ќерка на актерот Брус Вилис и неговата поранешна сопруга Деми Мур го покажа својот природен изглед на Инстаграм.

„Се плашев да спомнам, но неодамна ми се раствори филерот. Ја немав видено мојата вистинска структура на коските цели шест години. Сè уште се борам да се прифатам себеси таква каква што сум…“, напиша таа во својата објава.

„Не ти требаат филери, убава си таква каква што си“, „Добра одлука“, „Убава си и тоа е единственото нешто што е важно. Заборави на сѐ друго“, „Лицето ти е убаво“, гласат дел од коментарите на нејзината објава.

Инаку, Талула Вилис неодамна соопшти дека има аутизам. Таа откри дека минатото лето ѝ било дијагностицирано ова нарушување и дека дијагнозата ѝ го променила животот.

„Всушност, за првпат јавно ја споделувам мојата дијагноза. Открив ова лето и тоа ми го промени животот“, напиша таа на својот инстаграм-профил.