Македонскиот таеквондо клуб „Феникс-Кик“ изминатиот викенд овој викенд учествуваше на силниот меѓународен натпревар „Корио Опен“ каде оствари одлични резултати.

На овој натпревар кој се одржа во Скопје учествуваа околу 300 таеквондисти од четири земји.

Таеквондо клубот „Феникс-Кик“ настапи со 16 натпреварувачи и успеа да се закити со 16 медали.

Во А класата златни медали освоија Дамјан Василевски и Димитриј Василевски, а сребрени Илина Гулабовска, Горазд Стоимановски, Михаела Канзурова и Ирина Рајковска.

Во Б класата до злато дојдоа Ерен Илија Сејфедин, Дамјан Поповски, Марија Змејковска и Марко Змејковски.

Сребрени медали освоија Даријан Симоновски, Ева Гулабовска и Марин Ангелевски, а бронзени Јана Киксинов, Алексеј Димовски и Јаков Ангелевски.

Воедно од клубот објавија дека на овој турнир прогласен за најдобар пионер е Димитриј Василевски кој со три маестрални победи стигна до златен медал, без изгубена рунда во сите три меча.