ФОТО | Свадба како од бајките: По вторпат се омажи ќерката на Сузан Сарандон
![](https://www.slobodenpecat.mk/wp-content/uploads/2024/07/FotoJet-35.jpg)
Ева Амури (39) се омажи по вторпат, а нејзин избраник овој пат е готвачот Иан Лок. Венчавката ја планирала самата Ева, а сè изгледало како од бајка.
Ќерката на познатата актерка Сузан Сарандон и режисерот Франко Амури се омажи во долината Хадсон, Њујорк, подготвувајќи прекрасна церемонија за тесен круг луѓе. Сè изгледало идилично, а Ева блескала во бело, пренесува „Пипл“.
Актерката и блогерка за животниот стил се омажи за готвачот Иан, а целата церемонија била инспирирана од забава во француска градина. Декорацијата изобилувала со природни бои кои имитираат француски градини, а романтичната нота била од цветовите од камилица.
„Работевме со нашиот службеник за да дизајнираме церемонија која ќе се чувствува лична и интимна, а потоа се фокусиравме на нашата втора љубов во животот: храната! Сè што навистина ни требаше беше убава атмосфера, нашите сакани и вкусна забава“, изјавила Амури за „Пипл“.
Тие им послужиле на своите гости различни деликатеси од областа Хадсон, особено патка и лосос. Сè било послужено во фамилијарен стил, а изборот на бар се состоел од локални пива и вина од мали лозја, како и два коктели, плус шампањ за наздравување.
„Мојата најголема цел беше да го направиме токму она што го сакаме без да чувствувам притисок однадвор. Не ангажирав планер за венчавки и сама го дизајнирав целиот амбиент на свадбата. На моменти беше стресно. Последен пат кога бев невеста, немав три деца. Но, генерално, беше толку посебно чувство да се фокусираме на сите мали детали и да го направиме нашиот ден навистина личен“, заклучила таа.
На забавата за само 40 гости присуствувала 77-годишната Сузан Сарандон и нејзиниот поранешен партнер Тим Робинс, а целото внимание го украл малиот син на Ева кој ја придружувал до олтарот со песната „Can’t Help Falling in love“.
За нејзиниот голем ден, таа избрала фустан без прерамки на Ким Касас со истакнат корсет кој комбинира ретро и женствен стил, давајќи им на невестите чувство на сексипилност, но и елеганција. За да си го олесни денот, подоцна се пресоблекла во мини фустан со пердуви, цветна тантела и светки.
„Бидејќи се омажив по вторпат, беше многу полесно да се планира бидејќи научив многу од мојата прва венчавка и се познавам себеси толку добро во овој момент од мојот живот“, рекла Амури, мислејќи на нејзината венчавка со Кајл Мартин со кого беше осум години во брак.
Eva Amurri Marries Chef Ian Hock in ‘French Garden Party’ Wedding: ‘Felt Like a Fairytale’ (Exclusive)
The actress, who is the daughter of Susan Sarandon, tied the knot with Hock in Hudson Valley, New York, on Saturday, June 29, in front of 40 guests pic.twitter.com/ErtuzCRLIh
— Howard (@Linaa_nsfw) July 1, 2024
Сите фотографии од венчавката може да ги погледнете ТУКА.