Шенон Доерти, најпозната по улогите на Бренда Волш во „Беверли Хилс, 90210“ и Пру Халивел во „Волшебнички“, почина по долга борба со ракот на дојката на 53-годишна возраст. Нејзината смрт ја потврди нејзиниот публицист во неделата.

По веста за смртта на Доерти, голем број холивудски ѕвезди на социјалните мрежи се простија од актерката, меѓу кои и колегите од серијата „Беверли Хилс, 90210“, како Џејсон Пристли и Џени Гарт.

Исто така, Софи Пери, ќерката на покојниот Лук Пери, на својот Инстаграм ѝ оддаде почит на Шенон. Таа објави црно-бела фотографија на која Шенон е насмеана додека Лук стои зад неа и го гризе нејзиниот бисерен ѓердан. Софи едноставно додаде емотикон со бело срце на објавата.

Шенон и Лук ги играа Бренда Волш и Дилан Мекеј во глобално популарната серија „Беверли Хилс 90210“, која се емитуваше од 1990 до 2000 година.

Лук Пери почина во 2019 година на 52-годишна возраст, откако доживеа ненадеен и фатален мозочен удар.

ФОТО | Џени Гарт се прости од Шенон Доерти: „Нашата врска беше вистинска и искрена“