ФОТО: Сообраќајка го затвори патот Прилеп-Кавадарци, стотици возила пренасочени на спореден пат
Затворен е сообраќајот за товарни возила на магистралниот пат Кавадарци-Прилеп поради сообраќајка, потврди Ристе Самарџиев, портпарол на СВР Велес, откако граѓани заглавени во километарските колони на патот, попладнево објавија фотографии на социјалните мрежи.
Патничките автомобили се пренасочуваат на алтернативен, земјен пат, велат од полицијата.
-Во 14:35 часот случена е сообраќајна незгода на магистрален пат Кавадарци – Прилеп во близина на село Раец, помеѓу влекач со албански национални ознаки и патнички автомобил марка „Ауди А4“. Притоа, едно лице се здобило со повреди и со возило на Јавна здравствена установа Општа болница Кавадарци, е пренесено во кавадаречката болница, вели Самарџиев.