Британската манекенка Лила Мос (21), ќерка на легендарната Кејт Мос, го привлече вниманието на сите присутни во блескав, златен краток фустан кој ги истакна нејзините нозе и витката фигура.

Таа уживаше на ревијата на пејачката Чарли Екс-си-екс, во соработка со брендот „Ејч енд ем“, на Лондонската модна недела.

Наследничката на Кејт Мос ја надополни својата комбинација со црни потпетици и чанта во истата боја, незабележителен накит и неутрална шминка.

Младата манекенка била придружувана од нејзиното момче, 23-годишниот Јони Хелбиц, со кого е во врска околу една година.

Инаку, манекенската кариера на Лила Мос е во нагорна линија, а во едно неодамнешно интервју откри дека ја сакала модата уште од мала. Манекенката се пристетила дека правела свое модно списание со другарките.

„Јас и Ајрис правевме списанија. Се облекувавме, се фотографиравме, ги уредувавме страниците во Ворд документ и ги печатевме“, раскажа таа, откривајќи дека постојано се облекувала во облека на мајка ѝ.

„Секогаш се облекував во плакарот на мајка ми. Јас и мајка ми вчера се присетивме на тоа дека многу често се расправавме кога бев мала за тоа дека не сакав да носам бели хулахопки“, изјави таа за британското издание на „Вог“.