Ванеса Хаџенс (35) го роди своето прво дете, пренесува ТМЗ (TMZ). Според странските медиуми, актерката сè уште не го открила полот, ниту името на детето, а во средата заедно со сопругот ја напуштила болницата во Санта Моника. Инаку, актерката е во брак со бејзбол-играчот Кол Такер. Таа ја откри својата бременост на црвениот тепих на доделувањето на Оскарите, каде што пристигна во тесен црн фустан до подот и го истакна својот стомак.

Актерката, најпозната по улогата во филмовите „High School Musical“, претходно на социјалните мрежи сподели емотивна честитка која му ја посвети на својот сопруг по повод неговиот роденден.

– Среќен роденден на моето парче рај. Ти го правиш светот посветло место само со тоа што си ти ​​– напишала актерката во описот на објавата.

Ванеса и Кол се запознале во 2020 година преку Zoom. Биле заедно на групна медитација, среде пандемија. После неколку месеци ја потврдија врската, а набрзо се верија. Се венчаа минатиот декември во Мексико.