ФОТО | Розова торта и многу балони: Емра Куртишова и сопругот направија крштевка за малата Лена
Актерката Емра Куртишова минатата година се омажи со својот колега од Театарот за деца и младинци, Петар Стојанов. Двојката се венчаше по три години врска, а тие се остварија и во можеби најголемата улога во животот, како родители на нивната ќерка Лена.
Сега среќните родители имаат повторно повод за славење. Имено, Емра и Петар ѝ направија крштевка на малата Лена. По тој повод актерката сподели неколку фотографии од свечениот момент.
„Среќно крштевање Лени наша“, напиша Емра покрај фотографиите.
На фотографиите имаше голема розова торта, на која беше напишано името на ќерката и мече со крилја, но и путер колачиња во розова и крем боја. Амбиентот беше декориран со многу балони во бела и сребрена боја.
За овој убав настан Емра се одлучи да облече сив комплет од класични панталони и елек, а Петар носеше фармерки и крем кошула. Малата Лена беше дотерана во бело фустанче во кое изгледаше како мала принцеза.
Искрено со Емра Куртишова: По свадбата почина татко ми, загубата ме исфрли од колосек